بكاء وزغاريد، كانت مشاعر مختلطة، لأسرة لاعب الكرة بالنادي الأهلي إمام عاشور، بعد الحكم الصادر من محكمة جنح الشيخ زايد، اليوم السبت، ببراءة اللاعب من تهمة ضرب فرد أمن في مول شهير، بعد توجهه إلى المكان عقب تلقيه اتصالًا من زوجته تخبره بتعرضها للتحرش.
أول حديث لوالد إمام عاشور بعد حكم البراءة
والد اللاعب إمام عاشور، قال في تصريحات خاصة لـ«المصري اليوم»: «بنشكر القضاء المصري العادل، ومجلس إدارة النادي الأهلي بقيادة الكابتن محمود الخطيب، الراجل اللي ساند ابني في الظلم اللي تعرض له، وبنشكر المستشار القانونى للنادي محمد عثمان، لأنه تعب معانا كتير، وكمان كل واحد ساندنا فيما تعرض له ابنى من اتهام تبين زيفه من أنه ضرب فرد الأمن (عبدالله)».
والد لاعب الأهلي، زف خبر البراءة لجميع أفراد أسرته بمدينة السنبلاوين في الدقهلية، حيث تعالت الزغاريد بين الجميع، وأكمل حديثه قائلًا: «لسة مكلمتش (إمام) لحد دلوقتي، لأنه في الإمارات ومركز في التدريبات قبل لقاء فريق سيراميكا في السوبر المصري، وربنا يوفقه ويرجعه مجبور الخاطر بالفوز بالكأس، وبلدنا كلها فرحانة ومبسوطة بحكم البراءة، لأن ربنا ميبرضاش بالظلم أبدًا».
والد إمام عاشور يكشف كواليس جديدة
والد «عاشور» تحدث عن نظر القضية في 3 جلسات حتى حكم البراءة، قائلًا: «والله مكانش بنام خالص، بقى لنا أكتر من أسبوعين أعصابنا مشدودة على آخرها، كنا في انتظار حكم القاضي العادل، لأنه الواقعة اللي ابني اتحط فيها ميفهش ضرب ولا حاجة، (إمام) نزل الجراج بتاع المول، لأنه اتقال له إن الشباب اللي تعرضوا لمراته وضايقوها موجودين هناك مع أفراد الأمن، وفوجئوا بالهرج والمرج اللي حصل، وسقوط فرد اسمه (عبدالله) على الأرض وهو مضربوش ولا مد إيده عليه أصلًا».
وكشف والد اللاعب، تفاصيل لأول مرة لـ«المصري اليوم» عن لقائه بفرد الأمن «عبدالله»، قائلاً: «لما اتنشرت الفيديوهات والناس بدأت تقول إن ابني ضرب (عبدالله)، قابلت فرد الأمن في القناطر الخيرية، وفي البداية أعطاني 3 مواعيد وكل شوية كان يغير فيها، ولما شوفته طلب مني أروح له عند مركب صيد، عشان ميكونش فيه كاميرات مراقبة ترصد اللقاء، وبعدين حسيت إن في حاجة مش مضبوطة وتوجهت إلى مركز الشرطة وحررت محضرًا باللي حصل، وأثبت تواجد 2 محامين مع فرد الأمن خلال لقائنا».
وعن زوجة ابنه ياسمين حافظ، قال والد «عاشور»، إنه اتصل عليها وأبلغها بحكم البراءة وكانت «الدنيا مش سيعاها» على حد قوله.
