في تحقيقات النيابة العامة، اعترف المتهم «محمد.م»، أمين عهده، بارتكابه جريمة سرقة أثاثات مدرسية «دكك خشبية»، وبيعها لاحد الباعة المتجولين، في منطقة حلوان بالقاهرة، حيث أقر المتهم، الذي يبلغ من العمر 41 عامًا، أمام النيابة «استلمت المدرسة مقفولة بدون طلبة ولا مدرسين كونها تحت الصيانة».
تفاصيل جريمة سرقة وأختلاس مدرسة بحلوان
التحقيقات كشفت عن تفاصيل جريمة سرقة أثاثات مدرسية، إذ قال المتهم «فكرت أسلك أي حاجة ملهاش لازمة طالما كده كده المدرسة داخلة صيانة، وأكيد هيجبولها دكك جديدة فجه في بالي إني لما اسلك كام دكة كل فترة وابيعهم محدش هياخد باله خصوصا لا أحد يمر ولا حد بيسأل في المدرسة فبدأت أبيع كام دكه وبعت الدكة الواحدة من 10 لـ 30 جنيه، وانا شطارتي في الفصال مع أي بياع روبابكيا، كنت بفهمه إن الدكك دي اخلاك وإني مسؤول عن بيعها لحد فترة بسيطة لما تم القبض عليه، وقتها قولت ليهم أنا اللي سرقتهم وابقوا اخصموا ثمنهم من مرتبي لكن مافيش فايدة وده كل اللي حصل».
وإلى النص الكامل لتحقيقات النيابة العامة مع المتهم بسرقة واختلاس أثاثات مدرسة في حلوان
س: ما هي طبيعة اختصاصك ودرجتك المالية؟
ج: انا شغال أمين عهدة وخدمات معاونة كحارس للمدرسة، وشغلي حراسة العهدة وإني مقيم على طول في المدرسة ودرجتي المالية الثالثة تقريبًا
س: منذ متي وأنت تباشر ذلك الاختصاص؟
ج: بقالي 4 سنين تقريبا بس مش فاكر اليوم اللى استلمت فيه الأيام بتجري.
س: هل يشاركك أحد في ذلك الاختصاص؟
ج: أنا لوحدي أمين عهدة المدرسة .
س: وما سندك في تلك المسئولية وذلك الاختصاص الوظيفي؟
ج: دفتر العهدة أنا ماضي عليه وماضي على كل قشاية في المدرسة هي عهدتي وأنا متعين بقالي ٢٢ سنة في الوزارة
س: هل يشاركك أحد في إحراز المفاتيح الخاصة بالمدرسة؟
ج: لا أنا مسؤول عن العهدة لوحدي.
س: وما دور مدير المدرسة إذن في ضوء اختصاصك بامانة العهدة وحراسة المدرسة وعدم وجود أنشطة مدرسة أو تعليمية على النحو الوارد بأقوالك؟
ج: ملهمش دور المدرسة مقفولة وأنا المسؤول عنها .
س: هل يشاركك احد في احراز المفاتيح الخاصة بالمدرسة ؟
ج: لا هي المفاتيح معايا انا بس
س: وما هي مداخل ومخارج المدرسة واليه الدلوف لداخلها ؟
ج: ليها ۲ باب حديد مقفولين على طول محدش يقدر يفتحهم غيري
م: هل تواجد ثمة شخص كان رفقتك وقت ارتكابك الواقعة محل التحقيق؟
ج: لا
