أقامت ربة منزل دعوى أمام محكمة الأسرة تطلب فيها الطلاق للضرر بعد 6 أشهر من زواجها. وقالت السيدة في صحيفة دعواها إن سبب طلبها الطلاق بسبب طلبات زوجها الغريبة.
وذكرت المدعية خلال نظر دعوى الطلاق للضرر أمام محكمة الأسرة: «سبق لى الزواج وتوفي زوجي بعد إنجابي طفلة، وتقدم زوجي الحالى إلى أسرتي يطلب منى الزواج، وكانت ظروفه مشابهة لى، طلق زوجته ولديه 3 أولاد كانوا يقيمون مع والدتهم وقت ما تقدم للزواج منى، واتفق معايا على إننا نعيش بمفردنا فتركت طفلتي عند والدة زوجي المتوفي مثلما ترك أطفاله الثلاثة مع والدتهم».
بعد 6 شهور زواج.. سيدة في دعوى خلع أمام محكمة الأسرة: «طلب مني أسبقه لبيت صديقه الأعزب»
ربة منزل أمام محكمة الأسرة: «طليقته تسببت في مشكلة بيننا»
تابعت المدعية أمام محكمة الأسرة: «طليقته عرفت بجوازنا، وقررت الزواج أيضا، وطلبت منه ياخد ولاده عشان يعيشوا معاه، لأن جوزها الجديد شرط عليها إنه مالهوش علاقة بأولادها، فجوزي جاب أولاده يعيشو معانا».
وأضافت: «في البداية قال لي إن ده بشكل مؤقت، لكن الأولاد أشقياء وبيتعبوني، فطلبت منه يوديهم لوالدتهم تاني، فرفض وقال لي مش هطمئن على ولادي مع راجل غريب».
بعد شهرين زواج.. زوجة أمام محكمة الأسرة: «اتصدمت من تصرفاته بعد ما اتقفلعلينا باب واحد»
سيدة أمام محكمة الأسرة: «قالى اخدمى أولادى»
أمام محكمة الأسرة حكت السيدة: «كلمته تاني فقال لي انسي إنهم يمشوا من هنا، ده بيت أبوهم، ولو عايزة تفضلي على ذمتي تخدميهم كأنهم ولادك، فرفضت أعمل إللي هو عايزه لأن ده مش واجب عليّ، ومقدرش أعمل كده وهو اشترط عليّ ترك بنتي لجدتها لوالدها المتوفي».
وذكرت الزوجة أمام محكمة الأسرة: «طلبت منه الطلاق بشكل ودي فرفض، وقال لي خليكي على ذمتي لحد ما أشوف واحدة بدالك تقبل تتجوزني؛ عشان مش هعرف أهتم بالعيال، وهيتبهدلوا من غيرك».
موظفة أمام محكمة الأسرة: «وافقت والده يعيش معانا في الشقة لكن حصل اللى مكنتش أتوقعه»
