تقدمت سيدة عشرينية بدعوى طلاق للضرر أمام محكمة الأسرة بعد 7 أشهر فقط من الزواج، بعدما اكتشفت أن زوجها أخفى عنها حقيقة عاداته في التدخين، رغم اشتراطها الصريح قبل الزواج أن يكون غير مدخن، بسبب معاناتها من مرض الربو.

اقرا ايضا:

«طلبها في غيابي».. سيدة أمام محكمة الأسرة: «زوجي يبتز أختي بصور خاصة»

سردت تفاصيل دعواها فقالت: «من أول ما بدأنا نتكلم قبل الجواز، وضحت له إني مريضة ربو، وإن الدخان بيأذيني جدًا، وكنت واضحة وصريحة معاه.. قلت له بوضوح: أنا مش هقدر أعيش مع واحد بيدخن، مش مجرد كره شخصي، دي مشكلة صحية عندي، ولو بتدخن، يبقى من الأول نعرف إننا مش هنكمل، وقتها طمني وقال لي إنه عمره ما كان بيشرب سجاير، لكنه كان مدخن شيشة، وإنه بطلها تمامًا علشاني.. بصراحة ارتحت لكلامه، وحسيت إنه شخص يقدر مشكلتي ويحترم وضعي».

اقرا ايضا :

بعد 13 سنة زواج.. سيدة أمام محكمة الأسرة: «بيعمل سيرش عن خطيبته الأولى» (تفاصيل)

تابعت: «عدّت الشهور الأولى من الجواز وأنا مش شايفة حاجة مريبة، لكنه كان قليل الكلام، قليل القعدة في البيت، يا إما شغله يا إما برة.. وكنت بحاول أقنع نفسي إنه طبيعي لحد ما في مرة، بالصدفة، واحد من أصحابه قال كلمة كده وهو بيهزر، خلّتني أفهم إن جوزي بيشرب شيشة من ورايا، وإنه ما بطلش حاجة، زي ما وعدني قبل الجواز».

أنهت:«ما قدرتش أسكت، استنيته لما رجع، وواجهته بهدوء، قلت له إحنا كان بينّا اتفاق واضح، وإنت بترجع في كلامك، أنا مش بتكلم عن مجرد عادة، أنا بتكلم عن حاجة بتأذيني وبتضر صحتي، لكن رد فعله صدمني، زعق لي، وقال لي أنا حر وأنتِ مالك؟! دي حاجة تخصني أنا، وأنتِ مش هتحكميني في حياتي، حسيت وقتها إن مفيش احترام لا ليا ولا لوضعي وإن اللي كنت فاكراه صادق وملتزم بكلامه، طلع بيعمل اللي في دماغه من غير ما يحس إن وراه حد بيشاركه الحياة».

اقرا ايضا:

سيدة تطلب الطلاق من زوجها أمام محكمة الأسرة بسبب كوب شاي (التفاصيل)