«كانت بتكلم حد في التليفون، وبتحكيله كل إللي بيحصل بيننا، واتكلمت عليا بطريقة وحشة، وكانت بتقابله وهي على ذمتي» بهذه العباراة، تحدث زوج أمام محكمة الأسرة، خلال ثاني جلسات دعوى حضانة طفله، أقامها ضد طليقته.
وروى المُدعى أمام محكمة الأسرة: «خطبتها لمدة سن ونصف، واتجوزتها لمدة سنتين، كنت بعاملها كويس، أنا موظف في شركة محترمة، وهي متفرغة للبيت، وحياتنا هادية وكويسة، وربنا رقني منها بطفل بعد الجواز على طول».
اقرأ ايضًا: سيدة أمام محكمة الأسرة: «جوزي كان شغال عند والدي في المصنع وبعد ما اغتنى غدر بيا»
الزوج: «كنت بحاول أرضيها بكل الطرق»
وتحدث الزوج أمام محكمة الأسرة: «بقضي معظم يومي برا البيت عشان طبيعة شغلي، ولكن بحاول على قد ماقدر إني أخرجها وأعوضها عن الوقت اللي هي بتقعد فيه لوحدها، وحياتنا تمام، ماكنتش برفض لها طلب عشان كنت بحبها من قلبي».
موظفة أمام محكمة الأسرة: «عاندت أهلي عشان جوزي ولسه بدفع تمن عنادي طوال 13 سنة»
المُدعي: «كانت بتقابل راجل غريب وهي على ذمتي»
وأكمل المُدعي: «قبل 4 أشهر من طلاقنا معاملتها اتغيرت معايا، ودائما سرحانة، وتصرفاتها غريبة، فشكيت إن في حاجة غلط، فعملت لها كمين واكتشفت انها بتروح تقابل راجل غريب في كافيه، فصورتها من غير علمها، ولما واجهتها اعترفت إنها بتقابله وبتتكلم معاه كصديق بس، وفضلت تعتذر عشان أسامحها على غلطتها إنها مش هتتكرر تاني».
زوج أمام محكمة الأسرة: «سليطة اللسان والحياة معاها صعبة»
الزوج المُدعي: «سترت فضايحها وطعنتني في ضهري»
واختتم الزوج: «قلبت في تليفونها لقيت بينهم محادثات من سنة، وبتتكلم معايا بطريقة وحشة وبتحكيله كل حاجة عن بيتنا، والمحادثات بينهم أكدت إنها قابلته كذا مرة، واترجتني أمسح كل ده، وحلفت إنها مش هتعمل كده تاني، فسامحتها عشان ابني، ولكنها خدعتني وخدت التليفون إللي عليه الفيديو والمحادثات وخفته، وسابت البيت فجأة، ورفعت ضدي دعوى طلاق للضرر، واتهمتني بحاجات كتير مش حقيقية، وخدت مني الشقة والقايمة وخربت بيتي، وراحت اتجوزت إللي كانت تعرفه وهي على ذمتي، ومش عايزة تديني ابني، فقررت ارفع دعوى حضانة طفل عشان أخد ابني منها؛ عشان ما يترباش على الخيانة».
