أقامت سيدة (موظفة - 41 عامًا)، دعوى نفقة صغار لبناتها الثلاثة، أمام محكمة الأسرة، بعد ما حصلت على حكم طلاق من زوجها (موظف - 46 عامًا)، وامتناعه عن الانفاق على بناته القاصرات.
اقرأ أيضًا : موظف أمام محكمة الأسرة: عجزت عن تلبية متطلبات مراتي الشخصية فحرمتني منهما
المُدعية : « طليقي مريض بحب المال»
وروت المُدعية أمام محكمة الأسرة خلال نظر دعوى نفقة صغار أقامتها ضد طليقها : «اتجوزته من 15 سنة، ومنذ بداية حياتنا والمشاكل بينا مابتخلصش، هو حريص بشكل يصل للبخل، بيكون معاه الفلوس وبيرفض يشتري لنا الأساسيات، ربنا رزقني منه ببنتين توأم عمر 12 سنة، وطفلة تالتة جت غلطة عمرها 3 سنوات».
وأكملت شكواها : « قلبه حجر على بناته، ما بيحبش يصرف عليهم الإ بالخناق، ولو أعطاني فلوس مرة، بيتحجج بأي حاجة تانية عشان ما يدنيش فلوس تاني بعدها، وبيقولي اصرفي من مرتبك لحد ما يخلص وهعطيكي غيره».
اقرأ أيضًا : زوج أمام محكمة الأسرة: «مراتي عايزاني أكون عاقًا لأمي»
السيدة : « أهل طليقي أبخل منه وموقف عيلتي كسرني»
وأردفت المُدعية أمام محكمة الأسرة : « حاولت أخلي حد من أهله يتكلم معاه عشان معاملته معانا في الفلوس تتغير ويكون مسؤول عني أنا وبناته، ولكن والده وأخواته الاتنين أبخل منه، وكنت هطلق منه أكتر من مرة في أول الجواز، وكنت بسيب له البيت وأروح لبيت أهلي، ولكن موقفهم كان سلبي وساعدوه يكمل في معاملته الجافة ماديًا ومعنويًا، وكانو بيضغطو عليا عشان ماحدش يعايرهم إني مطلقة».
اقرأ أيضًا : موظفة أمام محكمة الأسرة: «عاندت أهلي عشان جوزي ولسه بدفع تمن عنادي طوال 13 سنة»
وأتمت السيدة : « طليقي كرهني في حياتي، لحد ما قررت أرفع دعوى طلاق للضرر، والمحكمة طلقتني منه بعد سنة ونصف، وخلال الفترة دي كتب شقته باسم والده، وعمل عقد إيجار صوري، عشان ماحصلش على تمكين من شقته الملك، ولكن المحكمة ألزمته بتوفير مسكن لي ولبناته التلاته»، وألزمت المحكمة الزوج بدفع مبلغ مالي 4500 جنيهًا نفقات شهرية لبناته الثلاثة القاصرات.
