«خلاف حول ذراع بلايستيشن يتحول إلى جريمة قتل».. هكذا يمكن تلخيص سبب إقدام صاحب محل بيع خردوات على قتل طالب بطعنة نافذة في الصدر في منطقة صفط اللبن في الجيزة. المتهم، حسام، 41 عامًا، لم يكن يتوقع أن ينتهي الخلاف البسيط مع طالب في السابعة عشرة من عمره بجريمة قتل. أمام النيابة العامة، قدم المتهم اعترافاته كاملة، مستعيدًا اللحظات التي تحولت فيها مشادة كلامية إلى مأساة انتهت بسقوط أحمد حامد قتيلًا بسكين اخترقت صدره.
كيف تحول خلاف على «بلايستيشن» إلى جريمة قتل في صفط اللبن؟
س: كيف بدأ الخلاف فيما بينك وبين المجني عليه تحديدًا؟
ج: سبب الخلاف زي ما أنا قولت قبل كده إن (أحمد) خد من عندي بلايستيشن يجربوه ولو عجبه يشتريه فجالي بعدما جربوا وقالي أنا مش هشتري البلايستيشن عشان سعره غالي عليا فقولتله خلاص مفيش مشكلة، ولما خدتوه منه لقيت الدراع في زرار فيه مكسور، ومن هنا حصل الخلاف بيني وبينه.
س: وما الذي بدر منك تجاه ذلك الأمر؟
ج: أنا طلبت منه يجبلي دراع مكان الدراع اللي هو بوظوه.
س: وهل استجاب المجني عليه لطلبك؟
ج: هو قالي ماشي هجبلك واحد غيره ومشي ومجبليش حاجة بعدها.
س: وما التصرف الذي بدر منك عقب ذلك؟
ج: أنا خليتوه رايح يصلي، وقولت له هات الموبايل بتاعك اعمل منه مكالمة عقبال لما ترجع من الصلاة، قام أداني الموبايل ولما رجع قالي هات الموبايل ياعم حسام، فقولتله مفيش موبايل غير لما تجيب دراع مكان اللي بوظته.
س: وما الذي بدر من المجني عليه تحديدًا آنذاك؟
ج: هو قام مزعق وقالي هات الموبايل يا (....).
بكلمات المتهم.. ماذا حدث في اللحظات الأخيرة قبل طعنة السكين؟
س: وما هو رد فعلك اتجاه ما تلفظ به المجني عليه؟
ج: أنا اتعصبت وقمت ضربه بالقلم على وشه، وفي الوقت ده واحد اسمه (عبدالمنعم) اتدخل وسلك بينا وخدوا ومشاه بره المحل عندي.
س: وما الذي حدث عقب ذلك؟
ج: اللي حصل بعد كده إن (أحمد عماد) رجعلي بعد حوالي 10 دقايق ومعاه دراعين كمبيوتر وقالي خد دول مكان الدراع بتاعك، وهات الموبايل بتاعي بقى يا عم حسام فأنا قولتله دول مش هينفعوا دول كمبيوتر قام قالي (... الدراعات هتشتغل عندك) فلما لقيته بيعلي صوته وبيشتم تاني قمت ضربه قلمين على وشه، ولما ضربته مسك فيا فأنا زقيته وقعدت اهوشه بالسكينة فجت في صدره.
س: من أين تحصلت على السلاح الأبيض (السكين) حال حدوث المشادة فيما بينك وبين المجني عليه؟
ج: أنا في الوقت ده كان معايا سكينة كنت بقطع الأكل على العربية بتاعه الأكل بتاعتي.
اقرأ أيضًا| «طلب يجرب الدراعات.. وبعدها بدقايق كان مقتولًا».. شاهد يروي تفاصيل إنهاء حياة «طالب» بسبب بلايستيشن
س: صف لنا كيفية إحداثك إصابة المجني عليه تحديدًا؟
ج: وأنا ماسك السكينة هو حاول يضربني فأنا قمت هوشته بالسكينة جت غصب عني في صدره من ناحية اليمين.
س: ما هي المسافة فيما بينك وبين المجني عليه حال حدوث إصابته؟
ج: كانت المسافة نص متر.
س: ما هو اتجاه المجني عليه حال تعديك عليه؟
ج: إحنا كنا في وش بعض.
س: وبأي يد كنت ممسكًا للسلاح الأبيض؟
ج: كنت ماسكها بإيدي الشمال.
س: أين استقرت السكين بجسد المجني عليه تحديدًا؟
ج: جت في صدره من الناحية اليمين.
س: ما الحالة التي أصبح عليها المجني عليه عقب حدوث إصابته؟
ج: هو مسك صدره ورجع لورا وبقى يتوجع.
اقرأ أيضًا| «قالي هتاخد الدراعات يعني هتاخدهم».. اعترافات المتهم بقتل طالب بسبب بلايستيشن في الجيزة
س: ألم تقوم بمحاولة إغاثة المجني عليه عقب إحداثك إصابته؟
ج: أنا خليتوا رايح يصلي وقولت له هات الموبايل بتاعك اعمل منه مكالمة عقبال ما ترجع من الصلاة قام إداني الموبايل، ولما رجع قالي هات الموبايل يا عم حسام فقولتله مفيش موبايل غير لما تجيب دراع مكان اللي بوظته.
س: وما الذي بدر من المجني عليه تحديدًا آنذاك؟
ج: هو قام مزعق وقالي هات الموبايل (يا...).
س: وما هو رد فعلك اتجاه ما تلفظ به المجني عليه؟
ج: أنا اتعصبت وقمت ضربه بالقلم على وشه، وفي الوقت ده واحد اسمه عبدالمنعم اتدخل وسلك بينا وخدوه ومشوه بره المحل عندي.
س: وما الذي حدث عقب ذلك؟
ج: اللي حصل بعد كده إن أحمد عماد رجعلي بعد حوالي 10 دقايق ومعاه دراعين كمبيوتر وقالي خد مكان بتاعك وهات الموبايل بتاعي بقى ياعم حسام فأنا قولتله دول مش هينفعوا دول دراعات كمبيوتر قام قالي (.... الدراعات دي هتشتغل عندك)، فلما لقيته بيعلي صوته وبيشتم تاني قمت ضربه قلمين على وشه، ولما ضربته مسك فيا فأنا زقيته وقعدت اهوشه بالسكينة فجت في صدره.
س: من أين تحصلت على السلام الأبيض (السكين) حال حدوث المشادة فيما بينك وبين المجني عليه؟
ج: أنا في الوقت ده، كان معايا سكينة كنت بقطع الأكل على العربية بتاعتي.
س: صف لنا كيفية إحداثك إصابة المجني عليه تحديدًا؟
ج: وأنا ماسك السكينة هو حاول يضربني فأنا قمت زقه وهوشته بالسكينة فالسكينة جت غصب عني في صدره من ناحية اليمين.
س: ما هي المسافة فيما بينك وبين المجني عليه حال حدوث إصابته؟
ج: كانت المسافة حوالي نصف متر.
اقرأ أيضًا| «هات دراع جديد».. طعنة تنهي حياة «آخر العنقود» بسبب زرار بلايستيشن في الجيزة (قصة كاملة)
س: ما هو اتجاه المجني عليه حال تعديك عليه؟
ج: إحنا كنا في وش بعض.
س: وبأي يد كنت ممسكًا للسلاح الأبيض؟
ج: كنت ماسكها بإيدي الشمال.
س: أين استقرت السكين بجسد المجني عليه تحديدًا؟
ج: جت في صدره من الناحية اليمين.
س: ما الحالة التي أصبح عليها المجني عليه عقب حدوث إصابته؟
ج: أنا من الصدمة معرفتش اعمل حاجة فرميت السكينة وجريت.
س: ما هي علاقتك بكلا من: (عبدالمنعم حسين عبدالمعبود) و(مصطفى فؤاد حسين محمد) و(محمد نصر على محمد)- شهود العيان؟
ج: (عبدالمنعم) بيشتغل معايا على عربية الأكل وعمي (مصطفى) جارنا من زمان، وعنده محل سباكة جنب المحل بتاعي، ومحمد نصر سباك في المنطقة عندنا.
س: هل من ثمة خلافات فيما بينك وبين سالفي الذكر؟
ج: لا مفيش أي خلافات إحنا جيران وأهل.
س: ما قولك فيما جاء بأقوال سالفي الذكر بتحقيقات النيابة العامة من أنك قمت بالتعدي على المجني عليه أحمد عماد باستخدام سلاح أبيض (سكين) وأحدثت به ما به من إصابات على إثر خلاف نشب فيما بينكما؟
ج: حصل أنا فعلًا اللي ضربته بالسكينة بس أنا كان قصدي اهوشه فجت في صدره.
س: أنت متهم بقتل المجني عليه أحمد عماد عمدًا مع سبق الإصرار لخلف نشب فيما بينكما فقمت على إثره بتسديد ضربه مستخدمًا في ذلك سلاح أبيض استقرت في صدره قاصدًا من ذلك إزهاق روحه فأحدثت به الإصابة الموصوفة بالتقرير الطبي والتي أودت بحياته؟
ج: حصل أنا فعلًا ضربته بس مكنتش أقصد اموته.
س: أنت متهم بإحراز سلاح أبيض «سكين» دون مسوغ من الضرورة المهنية أو الشخصية على النحو المبين بالتحقيقات؟
ج: أيوة أنا كان معايا سكينة بس أنا شغال بيها على عربية الأكل بتاعتي.
س: هل لديك أقوال أخرى؟
ج: لا.
اقرأ أيضًا|
قصة «عبدالله» الذي عاد ليموت.. كيف انتهت حياة طالب جامعي بسبب صفعة؟
«النار أكلت كل شيء».. أصحاب محلات في منشأة ناصر يروون مأساة حريق بعد الإفطار (صور)
