«كنت فاكرة إن الجواز ستر وأمان طلعت غلطانة، ده حتى الستر أخده مني»، بتلك الكلمات بدأت ربة منزل، حديثها أمام محكمة الأسرة بعدما تقدمت بدعوى تبديد منقولات زوجية ضد زوجها، مضيفة «طردني من بيتي فجأة بالهدوم اللي عليا، واستولى على جميع محتويات الشقة، بما فيها شبكتي وملابسي ومتعلقاتي الشخصية».

وأوضحت السيدة «س.ع»، صاحبة الـ29 عاما، في دعواها: «من أول يوم كتب القائمة باسمه، وقال لي: دي ورقة شكلية، إحنا مش محتاجينها بينّا، وأنا صدقته علشان كنت بحبه، زواجنا استمر 4 سنوات، من غير أطفال، تحملت خلالها تقلباته وسوء معاملته بحجة أنه يمر بظروف مادية ونفسية صعبة».

وأضافت: «كنت بصرف من شغلي، وهو قاعد في البيت بحجة إنه مش لاقي شغل، حتى ده استحملته، وقلت ربنا يفرجها، لكن مكنتش اتوقع أنه يوصل لطردي من بيتي بسبب مشادة بسيطة»، متابعة: «قالي امشي من هنا، دي شقتي وكل اللي فيها بتاعي، وخد موبايلي واتصل بأهلي وقال لهم: تعالوا خدوا بنتكم.

وأوضحت: «ذهبت بعدها إلى قسم الشرطة لتحرير محضر، لكني فوجئت بأنه لا توجد قائمة منقولات موثقة، ما صعّب موقفي القانوني، ورغم ذلك، تقدمت بدعوى تبديد استنادًا إلى شهود وفواتير شراء كنت احتفظ بها، قائلة: «جبت فواتير الثلاجة والأنترية والغسالة، حاجات أنا اللي اشتريتها بشقايا».

واختتمت: «مش عايزة حاجة منه، بس حقي مش هسيبه، لا عشرتي ولا فلوسي ولا كرامتي، أنا خارجة من الجوازة دي خسرانة كتير، بس مش هسمح لنفسي أكون كمان ساكتة عن حقي».