اليوم السابع

2025-07-02 22:30

متابعة
إنجى المقدم عن دورها فى الاختيار: حسيت إن أنا بعمل حاجة مهمة للتاريخ عشان تعيش

كتب آسر أحمد

تحدثت  في برنامج "بحب السيما" الذي يقدمه شريف نور الدين على ميجا إف إم، عن دورها بمسلسل "الاختيار 2" بمناسبة الذكرى الـ12 لثورة 30 يونيو، وقالت: "مسلسل الاختيار 2 بيرجعنى لذكريات حلوة وجميلة، سواء الحدث نفسه أو المسلسل اللي قام بتوثيق أحداثه العصيبة اللي كلنا عيشناها".

وأضافت إنجى المقدم في حديثها: "استمتعت جدا بمشاركتي فى مسلسل الاختيار 2، وحسيت إن أنا بعمل حاجة مهمة للتاريخ عشان تعيش، وتكون جزءا من تاريخ بلدنا"، وتابعت قائلة: "حبيت دورى جدا فى الاختيار 2، وطبيعة العلاقة بين زكريا ونادية الزوجة اللى بتستحمل طبيعة شغل جوزها خصوصا فى فترة حيوية زى دي".

وأضافت قائلة: "زوجات الضباط شالوا كتير أوى فى الفترة دي، قلق وخوف ورعب وتوتر، إنها تبقى شايفة جوزها نازل مش عارفة هو راجع تاني ولا لأ، مسؤولية كبيرة، أقول للناس فى ذكرى 30 يونيو كل سنة واحنا طيبين وبلدنا طيبة وبخير، وتعدى أى صعب ودائما أقوياء وجاهزين".

تابعوا آخر أخبار اليوم السابع عبر Google News

اشترك في قناة اليوم السابع على واتساب

للإطلاع على النص الأصلي
66
0
مشاركة
حفظ

آخر الأخبار

أحدث الأخبار

    أحدث الفيديوهات