المصري اليوم

2025-07-03 22:00

متابعة
«مفيش حاجة هترجعها».. زوج ضحية حادث النرجس في التجمع: «تصالحنا مع المتهمة أمام النيابة»

«أنا ماجيتش عشان أنتقم، أنا جيت علشان أرجع شغلي وأشوف عيالي، اللي مالهمش غيري دلوقتي.. نوسة ماتت، وخدت جزء منى معاها، بس ربنا اللي بيجيب الحق».. بهذه الكلمات افتتح «هشام»، زوج «نوسة» السيدة التي لقيت مصرعها دهسًا داخل الجزيرة الوسطى بمنطقة النرجس في التجمع الخامس، حديثه عقب إجراء تصالح رسمي أمام النيابة العامة مع المتهمة بقيادة السيارة المتسببة في الحادث.

إخلاء سبيل المتهمة بدهس سيدة في النرجس بـ التجمع الخامس

ويتابع بصوت خفيض تغلبه الحسرة، خلال اتصال هاتفي مع «المصري اليوم»: «من يوم الحادث وأنا ما نمتش.. مش قادر أنسى شكلها وهي بتتسحل قدامي، ومفيش حاجة هترجعها.. بس فكرت في العيال، محمد وأحمد وكارما.. كلهم صغار، ومش هيستحملوا يعيشوا من غيري كمان».

ويضيف: «دخلنا النيابة، واتناقشنا، وأنا اتنازلت بإرادتي.. مافيش حاجة في الدنيا هتعوضني عن نوسة، بس أنا خلاص قررت أسامح.. ربنا كبير، وهو اللي هينصفني، وأنا هدفي أشيل مسؤولية بيتي، اللي هي كانت شايلاني معاه طول عمرها».

وعن لحظة التصالح، يقول «هشام»: «الموضوع مش سهل، ومش أي حد يستحمل يشوف مراته بتموت بالطريقة دي، بس أنا واخد القرار ده علشان ولادي.. علشان أربيهم على التسامح مش على الغل، واللي حصل خلاص حصل».

ويختم حديثه: «نوسة ماتت وهي شايلة البيت.. كانت بتشتغل وتوفر وتضحك رغم التعب، وأنا بوعدها، من قدام النيابة، إني هكمل المشوار لوحدي.. علشان عيالنا».

سيدة تدهس أسرة كاملة فى حى النرجس بمنطقة التجمع الخامس - صورة أرشيفيةسيدة تدهس أسرة كاملة فى حى النرجس بمنطقة التجمع الخامس - صورة أرشيفية
للإطلاع على النص الأصلي
61
0
مشاركة
حفظ

آخر الأخبار

أحدث الأخبار

    أحدث الفيديوهات