كشف الفنان تامر هجرس، عن إمكانية تعرضه للشلل في فترة صغرة.

وأضاف في لقاءه مع الإعلامي عمرو الليثي في برنامجه واحد من الناس: «أيام الشقاوة كنت على ضخرة ووقعت وايدى اصبحت على العظم فقط وحصل لى شرخ في عظمة فقرات العمود الفقرى وابتدى يحصل لى شلل».

وتابع: «روحت ألمانيا والعملية كانت هتقعد 3 ساعات قعدت 10 ساعات، والدكاترة قالت لى إن الوضع كان صعب جدًا» .

وأردف: «طول عمري رياضي واهتم بصحتي، وكنت بلعب كرة ماء ورياضي، ولن أجري وراء منتج علشان أخد دور فنى، ولم اندم على المشاركة في كليب مع هيفاء».

وتابع: «تعرفت على زوجتى ميرال في الجامعة الأمريكية في مصر، وهى كانت عايشة طوال حياتها في الكويت، وهى أحلى وأحسن ست بالنسبة لى في حياتى وهي برضوا زيى عندها عرق انجليزى وكنت بغير عليها لكن الان اتعلمت كفاية وهي بتغير عليا» .

وأردف: «عمرى ما رفضت طلب لبناتى تمارا وتارا، وأنا مصاحبهم جدًا وأب لذيذ ومامتهم شديدة عليهم وأنا ضعيف، ومعنديش مانع أنهم يمثلوا، وكان نفسي يبقى عندى ولد واسميه كمال ويكمل اسم هجرس بس اول ما جت تمارا ومسكت ايدى خلاص نسيت كل حاجة».