حصلت «المصري اليوم» على نص اعترافات المتهم الرئيسي «محمود.م»، بقضية سرقة «تابلت التعليم»، أمام النيابة العامة، التي أكدت في بيان لها، في وقت سابق، أن المسروقات بلغت 1179 جهازًا لوحيًا «تابلت» جرى الاستيلاء عليها من داخل المدينة التعليمية بمدينة السادس من أكتوبر.

نص أقوال المتهم الرئيسي في قضية سرقة تابلت التعليم

قال المتهم الرئيسي «محمود.م.ا.أ.إ»، إنه يبلغ من العمر 22 عامًا، ويقطن منطقة ميت عقبة بالعجوزة في الجيزة، إذ أبدى ندمًا على جريمته مرددًا: «أنا غلطان»، بعدما نسبت له النيابة ارتكاب واقعة سرقة المنقولات «أجهزة الحواسيب اللوحية»- التابلت- مع آخر.

وفي تفاصيل اعترافات المتهم بقضية سرقة التابلت، حكى قائلًا: «اللي حصل إن أنا شغال عامل بوفيه ونظافة تبع شركة (إيجي كول)، بس أنا شغال من غير عقد، وبعدين روحت اشتغلت في الإدارة بتاعة المدينة التعليمية كعامل نظافة، وأنا هناك اشتغلت عامل بوفيه كمان، والأول اشتغلت في الإدارة نفسها بعد كده نزلونا المخزن والفترة اللي أنا اشتغلت فيها في المخزن (بوفيه) شوفت إن المخازن فيها غرفة فيها أجهزة تابلت».

وأضاف قائلًا: «وفضلت شغال هناك فترة الأول، وبعدين جه في بالي إني آخد جهازين من اللي موجودين في الأوضة وأبيعهم، وفعلًا خدت جهازين ونزلت بيهم على وسط البلد، وهناك قابلت واحد اسمه (يوسف)، عرفته بالصدفة، وعرضت عليه الجهازين اللي معايا، وقالى إنه هيشتري الواحد بـ1700 جنيه، وبعتهم فعلًا».

بيعت الواحد بـ1700 جنيه

وتابع قائلًا: «ولقيته بيقولي لو في أي حاجة تانية عايز تبيعها قولي، وبعدين بكام يوم خدت 112 جهاز (تابلت) تانيين، وكنت باخدهم على مراحل عشان محدش ياخد باله، يعني كنت بحط كام كرتونة في شنط (هاند باج) مثلًا واطلع بيها».

ويكمل المتهم الرئيسي بقضية سرقة تابلت: «والأجهزة التانية اللي خدتها دي بعتها لـ(يوسف حازم عبدالسميع)، وخدهم مني بنفس السعر 1700 جنيه للجهاز الواحد، وبعدها اتعرفت على واحد اسمه (رفعت صالح فكري محمد) وشهرته (بندق) وعرضت عليه إني ممكن أجيبله أجهزة (تابلت) لو عايز، وأخد إجمالي 91 كرتونة، وكل كرتونة فيها 10 أجهزة، وإداني مقابلهم مبلغ مليون ومائتين وخمسين ألف جنيه، وكان فيه 12 جهاز تانيين أنا خدتهم وحطيتهم في كيس وشيلتهم عند واحد صاحبي مقبوض عليه معايا اسمه (حسام الدين مصطفى علي) وحطيتهم عند واحد صاحبي في مكتب سياحة، وهو ميعرفش حاجة بصراحة عن الكيس ده أو الأجهزة اللي فيه».

اقرأ أيضًا

عَرض الجهاز بـ4 آلاف جنيه.. الرقابة الإدارية تكشف دور مدير سلسلة محلات شهيرة في سرقة تابلت التعليم

«مفيش كاميرات مراقبة».. ماذا قالت تحريات الرقابة الإدارية في قضية سرقة أجهزة التابلت؟ (خاص)

المتهم الثامن في سرقة التابلت: «المتورط الرئيسي كان بيشاور للناس فيفتحوله السكة» (خاص)

المتهم الخامس في قضية سرقة تابلت التعليم: «روحت القسم برجلي وجبت 600 ألف جنيه من البيت» (نص التحقيقات)

«سرقة 1179 تابلت».. نص أقوال مسؤول كبير في وزارة التعليم أمام النيابة

القبض على المتهم الأول في قضية سرقة تابلت وزارة التربية والتعليم

استطرد قائلًا: «وهو اتظلم معايا بس عشان، أنا كنت شايل معاه الحاجة مع أنه ميعرفش الحاجة دي جايه منين، ومن 5 أيام كنت موجود في بيتي في حدائق أكتوبر، ولقيت الحكومة عندي وبتخبط على الباب ففتحتلهم الباب راحوا فتشوا البيت كله، وخدوا تليفوناتي والفلوس اللي كانت في البيت حوالي 25 ألف جنيه، وخدوني أنا ومراتي على القسم».

نص اعترافات المتهم الرئيسي في قضية سرقة تابلت التعليمنص اعترافات المتهم الرئيسي في قضية سرقة تابلت التعليمنص اعترافات المتهم الرئيسي في قضية سرقة تابلت التعليم

اختتم أقواله: «وهناك فضلوا يحققوا معايا ويسألوني عن الأجهزة، وأنا ساعدتهم بصراحة وقولتلهم على كل حاجة، ودلتهم على الأجهزة والأماكن اللي بعتها فيها والفلوس اللي كانت معايا كلها اديتهالهم وده كل اللي حصل معايا أنا، وهما كملوا تحقيقات مع اللي اسمه (بندق)، عشان يعرفوا هو باع الأجهزة لمين وفلوسها والكلام ده، لأن هو خد مني عدد كبير من الأجهزة، وكان بيصرّفها لناس تانية اللي هم اتقبض عليهم معانا، وأنا معرفهمش ومعرفش إيه اللي حصل معاهم واتجاب منهم أجهزة قد إيه».