كشف «محمد.خ»، المتهم الأول بقضية ميكروباص معدية أبوغالب الذي سقط في مياه نهر النيل، ما أسفر عنه مصرع 16 فتاة وسيدة وإصابة 4 أخريات، إثر نزله من السيارة لمعاتبة شباب تحرشوا بالفتيات مستقلي عربيته، وفق اعترافاته وتحريات المباحث، في تحقيقات النيابة العامة التي حصلت «المصري اليوم» على نسخة منها، عن سبب تحميله حمولة زائدة.
نص اعترافات سائق ميكروباص معدية أبوغالب
في الجزء الرابع من اعترافات سائق الميكروباص بالقضية التي تضم 4 متهمين آخرين من بينهم رئيس مركز ومدينة منشأة القناطر، قال: «العربية بتاعتي 14 راكب، أنا بكون قاعد على كرسي السواق والكرسي اللي جنبي كان قاعد عليه واحدة ست واتنين بناتها والعربية من ورا فيها ٤ كتبات و3 كرسي قلاب ناحية اليمين، والعربية كلها كانت مليانة بنات على كل الكراسي وقاعدين على رجول بعض».
وبشأن الحمولة الزائدة، أفاد المتهم بقضية ميكروباص معدية أبوغالب: «علشان عندنا عربيات البلد كلها بتحمل كده في العمالات والعمالة بيعملوا كده علشان يوفروا مصاريف الانتقالات، وأنا لو قلتلهم لا هيقولولي امشي وهيشوفوا ميكروباص غيري».
يذكر أن محكمة جنح مركز إمبابة وكرداسة، حجزت القضية للحكم في جلسة 4 نوفمبر المقبل.
س: أمن طاقم مرافق له على متن الناقلة يستعين به في قيادتها؟
ج: أيوة
س: من هم أفراد ذلك الطاقم؟
ج: هو يبقي معاه واحد بيساعده على المعدية.
س: ما هو دور ذلك الشخص المعاون القائد الناقلة؟
ج: هو في الأول بيبقي واقف بيطلع العربيات على المعدية وبيقول لكل سواق يركن العربية فين على المعدية، وبعد ما المعدية بتتحرك بيلف على السواقين يلم الأجرة.
س: وما هي كيفية تشغيل تلك الناقلة؟
ج: هي عليها مكنتين سحبة مكنة للذهاب ومكنة للعودة والمكنتين متوصلين بأسلاك، والشخص اللي يبقي قاعد على المكنة هو اللي بيتحكم في حركتها وسرعتها وهي واقفة ووقوفها.
س: كم عدد المركبات التي يمكن أن تسعها تلك الناقلة؟
ج: حسب حجم العربيات الموجودة على المعدية، لانها بتشيل ملاكي وميكروباصات ونقل بس في المتوسط ممكن تشيل ۱۰ عربيات.
س: وكم عدد المركبات التي تواجدت أعلي الناقلة وقت الحادث؟
ج: مخدتش بالي كانوا كام عربية، بس كان في عربيات كتير وموتوسيكلات وتكاتك.
اقرأ أيضًا|
التحريات تكذب رواية رجل أعمال شهير متهم بالتعدي على خادمته وتفجر مفاجأة مدوية (انفراد)
ننشر محادثات خاصة بين رجل أعمال وزوجته بعد اتهامه بالتعدي على خادمته في الشيخ زايد (انفراد)
«تخلى عن مساعدتهم وقت الحادث».. انفراد بنص إحالة المتهم بدهس لاعبي فريق الدراجات بأكتوبر للمحاكمة
س: ما هي كيفية صعود السيارات على متن تلك الناقلة حال رسوها وقبل تحركها للضفة الأخرى؟
ج: إحنا بنبقي واقفين على شط النيل على الجرف مستنيين المعدية تيجي من البر التاني، ولما توصل الشط عندنا العربيات كلها بتركن على الجنبين يمين وشمال بيوسعوا للعربيات اللي نازلة من المعدية وبعدما المعدية بتفضي بتبدأ العربيات اللي واقفة على الشط تتحرك، وبتطلع على المعدية عربية عربية عن طريق أن العربيات بتقرب من المعدية وبتطلع على المنزل اللي هي القطعة الحديدية اللي نازلة من المعدية لحد ما تستقر فوق مسطح المعدية.
س: كم عدد الركاب مستقلى سيارتك وقت ركوب الحادث؟
ج: أنا كنت مركب حوالي 26 واحدة.
س: ما سبب تحميلك لعدد يفوق سعتها الاستيعابية؟
ج: علشان عندنا عربيات البلد كلها بتحمل كده في العمالات والعمالة بيعملوا كده علشان يوفروا مصاريف الانتقالات، وأنا لو قلتلهم لا هيقولولي امشي وهيشوفوا ميكروباص غيري.
س: وما هو موضع استقلال كل منهم لسيارتك؟
ج: أنا العربية بتاعتي 14 راكب، أنا بكون قاعد على كرسي السواق والكرسي اللي جنبي كان قاعد عليه واحدة ست واتنين بناتها والعربية من ورا فيها 4 كتبات و3 كرسي قلاب ناحية اليمين، والعربية كلها كانت مليانة بنات على كل الكراسي وقاعدين على رجول بعض.
س: كم عدد المركبات التي تواجدت على متن الناقلة آنذاك؟
ج: مش فاكر بس هما كانوا كثير.
س: أتقف على هوية مستقلي تلك المركبات؟
ج: لا، معرفش حد منهم.
س: وما هي كيفية اصطفاف المركبات على متن الناقلة عقب صعودها إليها؟
ج: أحنا أول ما بنطلع المعدية كل عربية بتطلع بوشها وبتاخدلها مكان بتركن فيه والعربيات بتركن على المعدية على هيئة 3 صفوف جنب بعض.
س: من هو شخص المسؤول عن تسكين المركبات بأماكن تموضعها أعلى الناقلة؟
ج: الشخص اللي بيبقي واقف مع قائد المعدية هو اللي بيقول لسواقين العربيات يركنوها فين على المعدية.
