حصل «المصري اليوم»، على نص تحقيقات النيابة العامة، في واقعة مقتل نجل صاحب «قهوة أسوان» بمنطقة «مصر الجديدة» على يد صاحب «محل عصير»، إذ كشفت أقوال المتهم أمام النيابة العامة عن مفاجآت عديدة.
أدلي المتهم بقتل نجل صاحب قهوة أسوان بمصر الجديدة أمام النيابة العامة باعترافات تفصيلة عن الواقعة :«كان في خلافات سابقة مع المجني عليه (محمد عبدالرازق) منذ 5 سنوات، وقتها اتخانقنا مع بعض وضربنا بعض وبعدها الناس جت حجزت بينا والموضوع خلص، وفجأة وأنا واقف في محل العصير بتاعنا، لقيت «محمد» جاي يزعق ويشتم من عند قهوة أسوان بتاعته، ولقيته جاي عليا ومعاه صحابه وقتها قررت اطلع «المطواة» واخليها معاياعلشان لو حصل حاجة ادافع بيها عن نفسي، ولقيته جاي يضربني روحت طلعت مطوتي وضربته ومكنتش عارف بضربه إزاي ومش فاكر كام طعنه، وبعدها هو وقع على الارض فضلت اضرب فيه، والناس اللي كانت جاية معاه فضلت تضرب فيا لحد لما حاشوني، فضلت اقوله انت اللي وصلت الموضوع لكدا».
جريمة قهوة أسوان بمنطقة مصر الجديدة
وأضاف:«الخلافات اللي مابينا كانت بسبب إنه محمد ليه حصة في العمارة اللي أنا فيها وكان في قضايا كتير بينه وبين صاحب العقار، ولما كنا بنشوف بعض كان بيحصل مشادات، ولكن الناس كانت بتفضها».
وأوضح المتهم بقتل نجل صاحب قهوة أسوان بمصر الجديدة :«أنا كنت مضايق من المجني عليه وعندي غل من ناحيته وزهقان منه.. كنت عايز اخلص منه علشان هو كان خانقني ومضايقني جدا»
