تواصل «المصري اليوم» نشر نص التحقيقات في واقعة مقتل نجل صاحب قهوة أسوان على يد صاحب محل العصير في مصر الجديدة، إذ أكد المتهم أمام النيابة العامة اعترافه بالواقعة وندمه عليها، فقال: «أنا غلطان وندمان على اللي حصل».
وأدلي المتهم بقتل نجل صاحب قهوة أسوان بمصر الجديدة، باعترافاته، فقال: «أيوه أنا اللي ظاهر في الفيديو، وأنا خارج من محل العصير ومعايا المطواة وضربت بيها محمد، والناس اتلمت عليا، وحاولوا يبعدوني، وأنا فضلت اضرب فيه علشان أخلص منه لاني كنت زهقان منه، بسبب المشاكل اللي كان بيعملها معانا ومع صاحب العقار، وكنت عايز أنتقم منه علشان كدا ضربته بالمطواة بتاعتي، لأنه وقتها حسيت إنه جاي يضربني قولت ادافع عن نفسي».
جريمة قهوة أسوان بمصر الجديدة
أضاف المتهم بقتل نجل صاحب قهوة أسوان بمصر الجديدة: «انا مبشربش أي نوع من المخدرات، ولا عندي سوابق قديمة، ولكن أول مرة أعمل مشكلة في حياتي، وأنا اتعرضت للضرب من الأشخاص اللي تبع محمد، واتصابت في راسي وإيدي ولما وقع محمد على الأرض أنا وقعت عليه، فضلت أضربه بالمطواة ومكنتش حاسس بنفسي».
وأوضح المتهم: «أيوة انا معترف إني قتلته، ولكن ندمان وغلطان بسبب كل اللي حصل، والمجني عليه كان بيستفزني كتير وكان جاي عليا علشان يضربني في قلب المحل بتاعي لكن مكنتش عايز اقتله وربنا يرحمه».
أقر ايضا
«كنت مغلول منه وعايز أخلص عليه».. اعترافات المتهم بقتل نجل صاحب «قهوة أسوان» بـ«مصر الجديدة» أمام النيابة العامة (خاص)
