حصل «المصري اليوم»، على نص التحقيقات بشأن واقعة مقتل فرد أمن على يد فرارجي بسبب ظنه بأنه دجال، فطعنه عدة طعنات في منطقة مدينة نصر .
أدلي المتهم «محمود.م.س» يعمل فرارجي، يبلغ من العمر 39 سنة، أمام جهات التحقيق باعترافات تفصيلية في واقعة اتهامه بقتل فرد أمن في محل عمله.
جاءت أقوال المتهم في تحقيقات النيابة العامة كالآتي:
س: ما قولك فيما هو منسوب إليك من أنك متهم بقتل المتوفى مبروك بدوى عمدًا باستخدام سلاح أبيض (سكين) على النحو المبين بالتحقيقات؟
ج- أنا قتلته عشان هو دجال وساحر
س: ما قولك فيما هو منسوب إليك من أنك متهم بالشروع في قتل المجنى عليه أحمد ممدوح باستخدام سلاح أبيض (سكين)، محدثًا ما به من الإصابات الموصوفة بالتقرير الطبي؟
ج: أنا كنت عايز اقتله عشان هو من رجالة الراجل الكبير
س: ما قولك فيما هو منسوب إليك من أنك متهم بحيازتك سلاحا أبيض (سكين) دون مسوغ من الضرورة المهنية أو الحرفية على النحو المبين بالتحقيقات.
ج- أنا كنت عايز اقتل الدجال بيها
س: ما هي ظروف ضبطك وعرضك علينا؟
ج: اللي حصل إن أنا إمبارح كنت محجوز في قسم مدينة نصر على ذمة قضية سلاح أبيض، واتعرضت على النيابة امبارح الصبح وتم اخلاء سبيلي وبعدين طلعت من القسم انهارده الساعة ٢:٠٠ صباحا وبعدين روحت على البيت نمت وصحيت الساعه ۱۱ الصبح نزلت من البيت.
واستكمل المتهم: وأثناء ما كنت معدي من أدام محل فراخ لقيت زبون لابس تيشيرت عليه طلاسم وتعاويذ وفجأه اختفى فخدت سكينة من محل الفراخ، ودورت عليه وفجأه لقيته قاعد على بوابة موقع فحسيت بجاذبية أن عايز اقتله فروحت عليه واول ما روحتله لقيت واحد جالي بيتكلم معايا بطريقة مش كويسة روحت غزيته بالسكينة من غير ما افكر راح جري هو واحد كمان كان معاه.
واستكمل: اتبقى الراجل الكبير لقيته بيبرقلي بعينه روحت غزيته في قلبه راح وقع على الأرضي روحت غزيته كده كذا غزه في رقبته ووشه وبطنه وبعدها حطيت عليه تراب وبلاستيك وجرادل كانوا في الموقع عشان ادفنه وبعد كده لقيت ناس بتتجمع فخرجت رميت عليهم طوب وكله كان بيجري مني لحد ما اتجمعوا عليا سواقين تكاتك اتلموا عليا ضربوني ومسكوني والشرطة جت وخدوني على القسم وجابوني على هنا انهارده
