أقامت سيدة في منتصف العشرينيات بعد شهرين زواج ، دعوى خلع ضد زوجها، موضحة في صحيفة دعواها تضررها من أفعال زوجها الغريبة .
وتابعت المدعية، أمام محكمة الأسرة : «تزوجت تقليديا من شاب يصغرني بعامين، ومنذ زواجنا يتعامل معايا، صدرت منه أفعال غريبة وتصرفات غير مقبولة»
سيدة أمام محكمة الأسرة: «كنت بقلق من تصرفاته»
تابعت الزوجة خلال نظر دعوى الخلع أمام محكمة الأسرة :«كنت باقلق منه ،وقلت يمكن عشان لسه بنتعرف على بعض، لكن اللي حصل كان صدمة، عندما رجعت من الخارج وجدته واقف قدام المرايا ومرتدى ملابسى الداخلية، ولما واجهته ضحك وقال ده هزار، حاولت التحدث معه بهدوء لفهم الأسباب وراء هذه التصرفات، لكنه كان ينكر أي شيء غير مألوف ويصر على أن هذه طبيعته، ورغم صدمتي حاولت الحفاظ على بيتي، لكن لم استطع الاستمرار بسبب شعوري أنه مش طبيعي».
وأضافت المدعية أمام محكمة الأسرة :«ومع مرور الوقت، تصرفاته بقت أغرب وأكثر إحراجًا، طلب مني طلبات غريبة مفيش ست طبيعية تقدر تستوعبها من جوزها، كان بيتصرف كأنه مش رجل، وكأنه مش عايز يكون رجل، كان طموحي يكون ليا بيت مستقر وزوج طبيعي، لكن اللي شوفته كان بعيد عن كل ده، وانا مقدرش أكمل في حياة مليانة شكوك وغرابة».
بعد 3 جلسات من نظر الدعوى أمام محكمة الأسرة، قضت محكمة الأسرة بقبول دعوى الخلع وتطليقها طلقة بائنة.
