« خربت بيتي وخدت شقى عمري، وولادي أصبحو أغراب عني، ولو معايا فلوس تاني كنت دفعت لها»، بهذه العبارة دافع رجل عن نفسه أمام محكمة الأسرة، خلال نظر دعوى نفقة صغار أقامتها طليقته ضده.
اقرأ أيضًا : زوج أمام محكمة الأسرة: «مراتي خلتني أندم إني سترت فضايحها»
وقال المُدعى عليه أمام محكمة الأسرة، خلال دفاعه عن نفسه في دعوى نفقة صغار أقامتها طليقته ضده: « اتجوزتها لمدة 8 سنين، وربنا رزقني منها بولدين وبنت، أنا موظف وهي كانت متفرغة للبيت، وحالتي المادية متوسطة مقارنة بأهلها، وده كان سبب الخلاف الدائم إللي بينا من بداية جوزنا».
اقرأ أيضًا : موظفة أمام محكمة الأسرة: «عاندت أهلي عشان جوزي ولسه بدفع تمن عنادي طوال 13 سنة»
المُدعى عليه: «دائما بتقارني بوالدها ومبتقدرش ظروفي»
وتابع: «طليقتي مكانتش عارفة تفرق بين حالتي المادية كشاب في بداية حياته وبين إن والدها ميسور الحال، فكان عندها إحساس دائمًا إن ناقصها حاجات كتير في أمور المعيشة، رغم إني كنت بديلها معظم المرتب، وبفضلها هي والأطفال على نفسي».
اقرأ أيضًا : «عشان التكييف».. زوجة تقيم دعوى طلاق للضرر أمام محكمة الأسرة ضد زوجها
أهلها ضغطو عليا مستغلين قلة حيلتي
وأكمل المُدعى عليه دفاعه عن نفسه أمام محكمة الأسرة : « من كتر ضغطها عليا، فكرت أسرق عشان أكفيها، وحصل بينا مشاكل، ومحدش من أهلها كان بيغلطها، ودائما شايفني أقل منهم، وبيمنعوها عني، عشان عارفين إني مقدرش أطلق وأعطيها حقوقها وضغطو عليا بأولادي كتير».
اقرأ أيضًا : زوج أمام محكمة الأسرة: «مراتي عايزاني أكون عاقًا لأمي»
مستعد للسجن في أي لحظة
واختتم: «أخر مرة سابت البيت من غير سبب، ورفعت دعوى طلاق للضرر، وحصلت على حكم بطلاقها، والمحكمة مكنتها من الشقة، واضطريت استلف عشان أدفع لها بقيت حقوقها، ومش لاحق أشم نفسي منها، ولا أشوف ولادي، وخدت كل ما أملك، ومبقاش حيلتي حاجة تاخدها تاني، ومعظم مرتبي بسدد بيه ديوني عشان ما اتحبسش ومش ملاحق على قضاياها، ومستني السجن في أي لحظة».
