روى الطفل عبد الرحمن المعروف بـ"الراقص مع الكلاب"، قصة معاناته مع أسرته وزوجة أبيه التى وصلت به إلى السكن فى الشوارع، قائلا "أبويا اتجوز واحدة ثانية بعد ما أمى توفيت، ولكن مرات أبويا كانت وحشة، وبسببها أنا طلعت من البيت لأنها كل شويه تضرب فيا وفى أخواتى كانت بتشوهني وبتعضني، مضيفا أنا مش عارف أبويا بيحبها إزاي رغم كل اللى بتعمله فينا".
وأضاف "عبدالرحمن" خلال لقائه لبرنامج "صباح أون"، مع الإعلامية "أسماء يوسف"، اليوم الأربعاء، أن زوجة أبيه منذ دخولها البيت وهى كانت سبب لتفريق لمة عائلتنا و نشرت روح الكراهية بين أبي و أعمامي، حتى أصبح بيتنا جحيم بسبب سوء معاملتها للجميع".
وأكد الطفل عبدالرحمن، أنه من ترك المنزل وليست زوجة أبيه من طردته، قائلا "أنا اللى سبت البيت وهى أصلا مش عايزانى فى البيت ومرة طردتنى من البيت"، لافتا إلى أنه وقت هروبه من المنزل كان فى الصف السادس الابتدائى منذ 3 سنوات، وأنه كان متفوق فى دراسته ولكنه لم يعد يجيد شيئا الآن فى التعليم بسبب تواجده فى الشارع بشكل دائم منذ تركه للمنزل.
وتابع:" حبيت أقعد مع الكلاب في الشارع فهم أحسن من زوجة أبي وأهلي كلهم، فالكلاب تدافع عن أصحابها، أنا شغلى دلوقتى إنى أساعد فى ركن العربيات، وفى الليل بسهر مع الكلاب وأنا بقالى 3 سنين فى الشارع.. وشايف أنى اشتغل أحسن وأركن العربيات وأقعد أرسم".
واستطرد الراقص مع الكلاب، " أنا بدور على أخواتي ولا أعرف عنهم أي معلومة منذ تركهم المنزل، أنا نفسي نرجع نعيش مع بعض تاني فى أوضة حتى نأكل ونشرب من غير ما حد يأذينا ولا يضربنا بعيد عن مرات أبويا ، وأرجع لمدرستى تانى وأتعلم و أفضل أرسم وأرقص مع الكلاب".
