"كل الشكر لوزاراتنا العظيمة".. تامر حسني يعلق على أزمة السينمات بسبب ترشيد الكهرباء

علق الفنان تامر حسني على مقترح المنتج كريم السبكي بإلغاء الحفلات الصباحية والاكتفاء بالحفلات المسائية، بعد قرار رئاسة الوزراء بإغلاق دور العرض السينمائي في التاسعة مساء في محاولة لترشيد استهلاك التيار الكهربائي.

وأعاد تامر حسني نشر المقترح عبر صفحته على انستجرام وكتب: “اقتراحي إذا أمكن فا يتطبق على كل الجهات، كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات، أعتقد وزارتنا المبجلة ممكن تدرسه وأكيد هيعملوا الصح لأن برضه الصح عمره ما هيكون من وجهة نظرنا إحنا بس أكيد في حاجات تانية ممكن منكنش على دراية بيها، وهي لمصلحة البلد و لكن لو الاقتراح ده اتنسق مع أهداف الدولة أتمنى تحقيقه”.

وتابع: “واقتراحي الشخصي إن القرار ممكن يتطبق على أماكن كتير مش بس السينمات أو أماكن تختار يقفلوا الصبح و أماكن تختار يقفلوا بالليل، وكل ده بالتنسيق مع الجهات اللي شايفة شغلها و أكل عيشها أكتر بالنهار ولا بالليل وبكده كله هيتراضى، وبرضه ده من وجهة نظرنا المحدودة، وأي قرار أكبر مننا بتاخده الدولة لازم نحترمه، ونتأكد مليون في المية إنه لمصلحتنا حتى لو استحملنا شوية كل الشكر والتقدير والاحترام لوزاراتنا المصرية العظيمة”.

كواليس مقترح كريم السبكي بخصوص غلق دور العرض السينمائي

كشف المنتج كريم السبكي عن مقترح من أجل استمرار تشغيل دور العرض السينمائي، وأوضح أنه نظرا للإقبال الضعيف على الحفلات الصباحية والظهيرة وارتفاع تكاليف التشغيل، أنه يجب إلغاء حفلات 10 صباحا،1 ظهرا، 3 عصرا”، والاكتفاء بثلاث حفلات يوميا 6 مساء، 9 مساء، 1 بعد منتصف الليل”.